يدوي بي الهاجس واسرح واسبه=ويروح بي مركب سفير الخيالات
ويغوص في امواج غزيره مغبه=ولا يتعبه طول المدى والمسافات
بسباب منهو متعب القلب حبه=واصبح عذابي له مسره ومشهات
ان جيت اشوفه يعترض لي مطبه=ويحول من دونه كبار المطبات
وان قلت اببعد واتغلا اربه=يلد يمي ويتكرم بنظرات
زاد بجفاه وصد وابعد مربه=مايدري اني محترق فوق جمرات
وان قلت اببعد عن هواهم واكبه=هاضت جروح في ضمير خفيات
حالي نحل والدمع يجري مصبه=وضلوع صدري قد فردها التنهات
وجسمي عليل ومن لقاني يشبه=ويقول ياراشد عساها سلامات
مايدري ان علاج قلبي وطبه=شوفة حبيب مانسيناه لحضات
وبحر الهوى يامن تفكر تطبه=خذها نصيحه واستلم نضم الابيات
سلال حال ونار جوفك تشبه=ويمكن يقال فلان هذا عنه مات
وان كان في قلبك هيام ومحبه=فصبر على همك وترديد الاهات