السلام عليكم ورحمة الله وبركاته
اخواني الاعزاء
اضع هذه المتواضعه وهي وليدة البارحه
في حال الامة الاسلامية قديما وحديثا
اتمنى ان تنال اعجابكم
يالله يارب البشر يالقادر=اطلبك ياربي تغَفْر السيه
انت الكريم ولاسواك المعطي=وانت القدير ومصلح الذريه
من بعدها هبت هجوس الشاعر=لنصرة التوحيد والحريه
عشنا بظلامٍ دامسٍ ضيعنا=داخل متاهات وحروب اهليه
من بعد ماطاح النظام الديني=رحنا ضحية لانظمه حزبيه
كذب وخيانه والتعصب جاري=داخل عروق النزعه العرقيه
ستين عام وامتي مخطوفه=داخل مسمى ثورةٍ قوميه
قيصر يخطط خطةٍ ملغومه=وكسرى ينفذ باكمل السريه
ولكل امة بالسياسه مبدئ=ينبيك عنها واوله ماريه
فرق تسد والناس لاتجمعها=لويلزمك تستخدم الوحشيه
الله كسانا الذل والخذلاني=لما هجرنا الدعوه الدينيه
صار الجهاد ارهاب في نظرتنا=من عقب ماكنا نخوض الهيه
صرنا كما هرشٍ وفيه قيادي=مقهور ومثبت بخشمه خيه
وصار العميل الحاكم المتواطي=يقتل هذاك ويفتك بهاذيه
قدامنا مثل الامام العادل=وبالسر حامي الدوله العبريه
الله كشفهم يوم راد النكبه=لوجيه اهل الذمه المشريه
باعوا نزاهتهم بأرخص قيمه=ولافيهم حميا ولاغاريه
هذا بكلامه انحطاط اخلاقي=وهذا يشن الغاره الجويه
حيله على ربعه وابنا شعبه=مافيه لارحمه ولاحنيه
تحالفٍ خايب وربي هزه=لوكان مافي الوقت حلفٍ زيه
وبيّن لنا داب الشجر والعقرب=واللي لبس ثوب التقى عاريه
الله ينصرنا على عدوانه=والله يذل الحيه الشرقيه
واطلبك يارحمن قبل اختمها=تغفر ذنوبي ياعليم النيه