يقول ابن أحمد الحيدان،حالـي حالـة المجـروح=وألا ياأحوالهم ناحوا وناح الوقت ونحـت ونـاح
ألا يالوح قلبـي لـوح ليـحٍ صابـه اللاحـوح=لحاه الليح مع طول اللحـاح والهـوى بـه لاح
أنا من حين هاك الحين حوليـنٍ وأنـا مطـروح=طريح الحب حالي ناحلة مـن راحـل المـرواح
وياحاصولهم لا حوّلوا بالصـوح ولابالصـوح=يحول بالحبل والحبل حل مـن الحبيـب وطـاح
ذبحني حب حـال الحاليـة بالحاجـر المملـوح=حناني حنيها بين المحاجر مثـل حنـي رمـاح
حلوٍ شفاه حلا لينـة حـلا لينـة بحـل نجـوح=إلى وضِّاح مثـل وضـاح لاحـم ولا طفـاح
أنا إن حنيت ماحنيت وإن حنيـت شلـت النـوح=كما حنـة حيـام فـي حمـاد ناحريـن رمـاح
وألا ياروح روحي يابعد روحي وريح الـروح=تروح الروحة اللي راحت بروحي مـع الأرواح
تحمّـل لـه وحمّـل حرامـيٍّ بـلا مصلـوح=عسى جحيم الحامية إلـى حمـت فيهـا يـلاح
عسى من حال واحتال وتحيّل بالمهـا المكلـوح=يحرول ويتحرول حيل حيثه ماسعـى بإصـلاح
حرمنا مـن منيحتنـا منحهـا واحـدٍ ممنـوح=حلب لي حلبة حلوة وطاح إبها مِخمِـد الأجنـاح
ألا ياصاحبي وإن حال بك حالٍ فـرح مسمـوح=حددني عنك حد الحد وأنت إحلـم علـى مـاراح
حلمت البارحة حلمٍ إلاي وصويحبـي بصطـوح=يحيي بي وأحيي به وأحبـه وأنشـق الأريـاح
دحل جرحي وكيف أوحي وكيف أحيا وأنا مذبوح=وأنا ما أحسب سهوم الحب تذبحني بغير سـلاح
وأنا حضي على حضي وحضي كالـحٍ مكلـوح=إلى حر الحباري حار حضي وأنحـر الملـواح
حلي الحص حصلته وحاص الحـض بالمملـوح=حذف به فوق حزمٍ ممحلٍ ماحـام بـه سـراح
وأنا إن حصلت لي حصه حرام إن تقتلب ذرنوح=وإلا حملت حمل الزل يقلب به وصـار سيـاح
وكد حضي يفرحني بحرب العدا وهـو مسـدوح=إلى منه تحزم واحتزم للحـرب صـاح وطـاح
وعليكم السلام ورحمة الله وبركاته
ارررررررررحب يابومحمد مدت يمينك سمين جعل مايجها العطب
رائعه رائعه رائعه مثل روعت تواجدك في هذا المنتدى الكريم يابومحمد
والله يابومحمد مدري ماذا اقول وماذ ا عساي ان اعبر في شخصك العزيز
صح الله السانك على هذي القصيده التي تبهر الناظر بما تحتوي
من جزاله في المعاني واعجاز في المنطوق
والله يرحم قائل هذا الاعجازيه الشاعر فهد ابن أحمد الحيدان
ابومحمد وافي ياعشير المناعير على الاختيار الموفق
وتقبل تقديري واحترامي
اخوك/ فهد الغريري,,,