السلام عليكم
قصيده بمناسبة زواج الشاعر/ فارع بن ناصر بني هميم اليامي
وهو راعي الاوله
اتمنى ان ترتقي لذائقتكم..
الفرايد والهواجيس تدحمني دحم=تارد لعد القريحه مواريد الحيام
في مواجيب المناعير تمضيبي قدم=ندرن لااسترسلت سقتها سوق الجهام
راكب اللي تسبق الريح وتقوي الهمم=مهرتن مفتولة عضود مافيها لجام
مهرتن قبآ اصيله من خيول العسم=منوة اللي فالملاقا نحر صف الزحام
سابقن تصهل ليا شافت الجيش احتدم=مايروعها التفق والعزاوي والعسام
نصّها راعا المواجيب كساب النعم=من منازلنا لداره وتاتي له شمام
نصها اللي مع هل الطيب يلقا له سهم=صيرمين فالمواقيف وافعاله جسام
نصها عارف وريث المراجل والشيم=صلب عودن من بني هميم والمرجع ليام
لابتن من ينتخيهم من العله سلم=فالرخا ضلعن يذري وفالشده حزام
لابتن فيها الكرم والمراجل والقيم=كاسبين الطيب كله مشاكيلن كرام
بارك الله ماسعيتو بماجوبه وتم=يابوناصر جيت ابارك عسى فالك غلام
من يناسبله مشاكيل يبني ماهدم=باني بيته على ساس واوصله الغمام
جيت ارد الطيب لاهل المراجل والشيم=والسلام ورحمة الله على صبيان يام