السلام عليكم ورحمة الله وبركاته
اتركم مع القصيده
احمد الله مابعد جاني اختلال =ولابعد شجعت ولاتابعت شوط
همي اكبر من نصر ولاهلال=وكل رجلن له مسار وله خطوط
معمعة وقتن كثر فيه الجدال=وزوبعة همن يموط الجاش موط
كل مقامن خابرين له مقال=وكل بندن خابرين له شروط
عشرتن قد بشرو منهم بلال=وصيحتن قد دمدمت في قوم لوط
حنكة اليورو طمة حلم الريال=ليتها بفرانسي ولابنوط
بين والله انعواجن واعتدال=وبين ياناصر فراغات وضغوط
في زمانن صار مكروهه حلال=والصدق ويا الكذب صار مخلوط
اسبلت بقعا بثوبي من ظلال=لبستني ايااه بالحزن مخيوط
الصدر مرقص مضاريب الليال=والدهر ينثر بلاويه نقووط
وسلامتكم