[معلومات العضو ابو حسين الدوسري]

البارحة يوم الأوادم خواشيع = في نومها وأنا على الكوع واعي
همٍ يمزع سترة الجوف تمزيع = تقول ينهش ثومة القلب أفاعي
خذت القلم من بين روس الأصابيع = وحبيت أميز سيرتي وأنطباعي
عزلت من صدقان عطلت الأسابيع = وعزلت من ضحك الوجيه الصناعي
وعزلت من بنينٍ بآمالى مشاريع = جميد برد ولا أنس البرد ماعي
وعزلت من زرع الخلى البلاقيع = وعزلت من رفع الثنية رباعي
من نفعة اللي ما طلبني منافيع = جميلة في غير أهلها ضياعي
بسوقها معا لا أشري ولا ابيع = لخطيت من رفقة طويل الذراعي
اللي على الرفقة يسوقه دوافيع = هذاك تشرى رفقتة ما تباعي
أما يشجعني على الطيب تشجيع = وإلا يعلمني حميد المساعي
وإلا ليا منه رمعني رواميع = وضاقت علي كل الفجوج الوساعي
جيته ويسر لي عسير المواضيع = وخلا خفايا خاطري له وساعي
معرفته ماهي معرفة طماميع = ما تنتج إلا الغطرسة والضياعيِ

للشاعر الكبير
سعد بن جدلان الاكلبي