[معلومات العضو عبدالله الدوسري]

يا عيني اللي كنّ فيها الزّجاجي=سرَت علي و الناس ما هم بدارين
هم قديمٍ و جاه همٍّ مفاجي=و اصبحت مثل اللي محوّط بنارين
يالله يا سامع حسيس المناجي=من رحمتك خليّت للعسر يسرين
فرّج لمن زادوا عليه البناجي=تحت الأشعّه في جناح الخطيرين
ماجور يا عودٍ طليق الحجاجي=يا عزوةٍ تردع نحور المغيرين
ابو محمد في الليالي سراجي=ريف الضّيوف اللي من الصَلْب سدْرين
يمناه سوٍّ في رقاب النّعاجي=طبع الرّجال اللي على الطّيب ضارين
له مجلسٍ لا غاب جاء له اخلاجي=يشفق على اللي مثل ما قيل عَسْرين
تلقى الشّحم و البن الأشقر مزاجي=للشرّ شرّ و لأهل الخير خيرين
يالله يا مشفي بليّا علاجي=يا مغنيٍ من رحمتك كلّ فقْرين
تحطّ بينه و المكاره سياجي=لا تِحرم اللي في عطاياك محرين
صلاة ربيّ عدّ رمل العجاجي=على نبيٍّ بشّر المستخيرين