السلام عليكم ورحمة الله وبركاته
عطر الله اوقاتكم بالرضا والسعاده
معزوفه راقت لي
اتمنى ان ترقى لمستوى الذائقه لديكم
زلزال زلزل وفز القلـب بركونـه
يازين زينك فريـد النـوع مازيـه
والزول زولك جميع الناس مفتونـه
ميزات زادت عليك أشيـا اضافيـه
نسبة جمالك جمال الوجه وعيونـه
ألفين وصلت قريب ألفيـن بالميـه
ماهو كلامي جميع الناس يطرونـه
الزين صاير عليـك اليـوم ماريـه
مالوم حالي لاجاب القلـب طبلونـه
من لام قلبي تـراه بـدون عقليـه
حبك تمركز حجزت أوراق مضمونه
وقع عليها وزيـر الحـب فوريـه
لاصرت حاضر معاك الغيث بمزونه
يمطر فرحنا سعـاده غيـر عاديـه
لاصرت غايب يزيد القلب بطعونـه
همي دهاني مفيـه همـوم وهميـه
هيضت شاعر يجر الصوت بلحونه
كن القصايد عشانك جـات طرقيـه
أبيات لجلك تجيك اليـوم موزونـه
لاشـك زينـه لوانهـا دون قافيـه
الزول زولك يزلزل قلـب بركونـه
والزين زينك فريد النـوع مازيـه