بسم الله الرحمن الرحيم
السلام عليكم ورحمة الله وبركاته
هذه القصيده للشاعر / محمد بن دحيم بن عبيان الرجباني رحمه الله ..
طويتنا حبل الرجاءمن الاصاحيب=وعضيتنا أبهام الاسى والندامه
من رفقة الي يشذبون العراقيب=زراعة الفتنه بكذب ونمامه
جحادة المعروف نكارة الطيب=ياليت ربي حط فيهم علامه
الي اليا رجت عليك المشاريب=لامن نخيته ماتشيله عظامه
الي بحزات الرخا والمعاصيب=محد(ن)بيوصل ماوصل في كلامه
من يوم ينشأ لين يبلغبه الشيب=عند الحليله غارق(ن)في منامه
ماميز المخطي ولاميز مصيب=لازم يقصر هقوته في مرامه
واليوم انا بقصد وببعث مناديب=والله لقاطعهم بدين القسامه
ولالي على الانذال حق ومطاليب=وكلن على قدره وضعت احترامه
ولاني وانا محمد قريب المحاضيب=وان خيبوا ظني عصبت العمامه
وعزمت ادور ناطحين المواجيب=أهل الوفاء والطيب واهل الشهامه
الي لهم بالطيب وقفه وتجريب=كل خذا بالطيب منهم وسامه
ومن قل ماله حطوا الناس به عيب=لوكان قرم(ن)ماتجيه الملامه
فياكثر صحبان الرخاء دام في الجيب=ريال هم ربعك ليوم القيامه
وتم الكلام وكل بيت بترتيب=ختام منضوم توصل ختامه
أسال الله أن يتغمده برحمته
ويغفر له