قصيدة رثاء في أخوي ابن عمّي ناصر ابن محمد ابن ناصر الصليبي و الذي وافته المنيّه الجمعة الماضية أسأل الله ان يدخله في رحمته الواسعة و موتى المسلمين آمين.
يالله ياللي يلوذ بعفوك التّايب=يا مدرك النّفس لا كثرت مصايبها
أسألك و انت الرّحيم ان ترحم الشّايب=اللي خذا من قسوم الطّيب طيّبها
ابو محمد و نعمٍ حاضر و غايب=يشهد له اللي بعيد و من قرايبها
أبشر بعونك الا من دبّر الخايب=و الله ما شفت له صفْةٍ تعايبها
على الصّخا و الكرم منهاجه الدّايب=رابي على الصّدق و الزلاّت هايبها
قدوة رجال تشفّق هرجه الصّايب=لا دوّرت للوقايع وش سبايبها
مدهال ربعه الا من نابهم نايب=انشد و تلقى الصّّليبي من عجايبها
صلاة ربي عداد مودّي و جايب=على النّبي عدّ ما هلّت سحايبها