السلام عليكم ورحمة الله وبركاته
هذي قصيدة للشاعر المرحوم/ حمد بن هادي المسردي القحطاني
اتمنى ان تعجبكم .. واسف اذا سبق وان نشرت في المنتدى..
يالج قلبـي لـج سـربٍ مـن الميـراج=لأصدر لأوامـر قايـده واعلـن الغـاره
مع الفجر الاول عاد ضوح السفر ما انباج=تحـرك وتـعـداده ثلاثـيـن طـيـاره
يـاوالله اللـي غلـق الصبـر مايحتـاج=ولو كان عينـي بـأول الوقـت صبـاره
هواجيس قلبـي بالدقيقـه تجيـه افـواج=وعينـي شقاويـه والافكـار محـتـاره
تخالف همومي مثـل ماتختلـف لامـواج=على شاطـيٍ مابيـن فرضـه وعبـاره
توارد وترد القلب مـن كـل فـج وفـاج=وتقبل كما امواجٍ مـع ريـح صرصـاره
ليا اشتد صلف النود والبحر هاج ومـاج=تسوقه على الشاطي عواصيـف جبـاره
غريبٍ ومشتاقٍ وشفـقٍ علـى المنهـاج=وسود الليالي تخلف الظـن ..غـدااااره
وجودي على شوف المحبين يـا فـراج=وجود الكسير اللـي دنـو منـه بجبـاره