[معلومات العضو ابو زيد الغييثي]

ورثنا المسروق متى سيعود ؟!

البيرق اللي على قمة جبل طارق = عارٍ حنى الهامه اللي طال عاتقها
جيت أسأله يوم شفته بالحزن غارق = وأقول شف حابس العبرات مطلقها
ياورثنا اللي من المسروق للسارق = يا أغلى المراقيب لو ماكنت شاهقها
مابين مغرب رضاك وغيضك الشارق = ذكرتني حصة التاريخ...مصدقها
ماكنك اللي مرق من جانبك مارق = للوادي اللي فلول الذل فرّقها
من طيب حظك ومن تفكيره الخارق = ساق المناوي وقال الله يحققها
ماتذكره يوم مر الماء كما الزارق = لمّيت جنده ولمّ السفن واحرقها
ماتذكر الخطبه اللي سرّت البارق = والخيل والريح والعزه وبيرقها
ماتذكر الغاده اللي غصنها وارق = من سربت الحق ترجي ثار خافقها
ماتذكر الفرقتين وشاسع الفارق = والسبع الايام ماتذكر دقايقها
الموت مثل الحياه أطماع ومزارق = والأندلس تنتظر ميعاد عاشقها
بوابةٍ قبل ماتنشد من الطارق = هبايب المسك ساقت ريح طارقها
لين ارجهنّت وغنّى شوقها الحارق = من أول أبراجها لآخر حدايقها
يا أغلى المراقيب أنا رحّال ومفارق = والكلمه اللي تزيد الهم أبنطقها
طارق وروّح تصبّر ياجبل طارق = لو رزّت القوم في راسك بيارقها