لاضاق صدرك واحرجوك الديايين :::
الجيب مفلس والمدين اخمامة
ازهم على هاتف صعوط المجانين :::
سعد الرفيق وصادق ٍ في كلامه
هذا لمن قالوا رفيقك على الدين :::
من روس قوم ٍ ما لحقهم ملامة
سيف معك بالعسر والضيق واللين :::
نعم الرفيق اللي رفيع ٍ مقامــه
يفرش لك إبساط المودة على زين :::
الوجه منور والكلام إبتسامة
لاشب ناره في خضار البساتين :::
شفت السعد في حاجبـينه علامة
تنسى المشاكل والتباس الشياطين :::
وتفك صمام الزهق وانكـتامه
عذب السوالف حشمة ٍ لحمر العين :::
احسن من إزعاج البلد والهدامة
تنعش حياة اللي بقى من شرايين :::
في راس جسم ٍ ناحلات إعظامه
ياماحلى المرباع وسط البداوين :::
لامال عود الشرشرة والخزامة
في مهمه ٍ ترار نبته ملاوين :::
عليه جوء ٍ مدلهم ٍ إغيامـــــــــــــــه
دار النشامى والبكار المزايين :::
خاطي عنود تستثير العدامــــة
ماهي برحلة زهبوها وراعين :::
من حي شبرا لا طعوس الثمامة