[معلومات العضو ركن الابداع]

البارحه كني وحيد(ن) الحالي=جالس ولا حولي من الناس مخلوق
سرى بي الهاجوس فيما طرالي=ونظمت من هاجوس شعري لمعشوق
ونقيت من زين البيوت الجزالي=للي ترى يطرب معه كل طاروق
ومن كفت يفداه حالي ومالي=لجل عنود الصيد باسوقها سوق
ياخوك ماتدري وش اللي جرالي=ماغيركفي على ذا الكف مصفوق
ياويل قلبي كان بالهجر طالي=والصبر مابه صبر والقلب محروق
على حبيب(ن)باقي(ن) ولا يزالي=متربع وسط الحشى ومنزله فوق
الله يجمع بي حسين الدلالي=وتبقى المحبه جاريه بدم لعروق

وسلامتكم