السلام عليكم ورحمة الله وبركاته
يقول الشاعر : حمودعبيد ال بريك
روح الفرح راحت مع وقت الافراح=معاد باقـي غيـر روح التعاسـه
الوقت سيـفِِ للمخاليـق جـراح=كم شيخ قومَِ جرعـه مـر كاسـه
وبانت خفايا الاقنعـه بعدمانـزاح=مليون وجهِ كان يعكـس الباسـه
وتصدعت صبخا الشواطي بالاملاح=واقفاربيع القلـب واقبـل يباسـه
كثرة سكاكين الجمل عقب مطـاح=واهل الحسد ماصدقـو الانتكاسـه
دون الكرامه نرخص اموال وارواح=حنا كـذا الرجـال لوطـار راسـه
والشعر لفعال الرياجيـل مصبـاح=شـيِ الاهـي مايـدرس دراسـه
وبركان شعري هاج بالصدر وجتاح=ردة فعل صدر الرحيـب انعكاسـه
أطرق بحر مايطرقـه كـل سبـاح=وختارمحـاره ولولـه ومـاسـه
أغلا الدرر لبستها جـوخ ووشـاح=صافي ذهب مابه شوايب نحاسـه
واخذ مع الهوجاس مسرى ومسراح=واليا استصغت البيت ثبت ساسـه
انحت صخر ثم أنظمه نظم مسباح=من فكر غيري ماخذيـت اقتباسـه
وكيفي من البن اليمانـي ليافـاح=يقعد خوا راسي ويجـلا عماسـه
ومحدِ على وجه البسيطه بمرتـاح=ولاعليـه مـن المقـدر حراسـه
ومحدِ معه لأبواب الأرزاق مفتـاح=حتى كبار الروس وأهـل الرياسـه