[معلومات العضو فارس الفصام]

السلام عليكم ورحمة الله وبركاته

احب ان اهدي لكم هذه القصيده المتواضع واتمنى ترتقي لذوقكم

والفت فكري وانطبع زولك ازوال = والعين شاشه تعرضك كل ساعه
الحب يومي على راس ماطال = والقلب لوعاته تزيد اندفاعه
يامعذبي والضيف راحل ونزال= لكن جروح الحب جوني جماعه
واسقيتهم من صافي الدم همال = وتنازعوا روحي سوات البضاعه
احدن سكن في القلب واحدن على جال = واحدن لقاله في الضلوع اتساعه
وش حيلتي لاصارت الروح مدهال = لطعونك اللي ماتعرف الشجاعه
ياصاحبي والصبر مادام لو طال = وياخوف قلبي لايبين انقطاعه
الوقت مايصفي لشخصن على حال = وان ماتغانم فرصته واضياعه
عجل مادام الروح لك ريف وظلال = واترك عواذيل الردى والقلاعه
وان كان عشقي فيك تثبته الاقوال = هذا قصيدي كل يومن وساعه
وان صار مايكفي ويحتاج لافعال = شفني رغم ظلمك حفظت الوداعه

وسلامتكم