[معلومات العضو نسناس الهوى]

ومن قال يســـــــــــلم..

صح الله لسآنك يامبارك وماشاء الله تبارك الله.
قصيده جزله جزله أعجبتني .. نبرة الكلمات كانت حاده
وقويه ( ولا ألومك). فلو أن الشخص ماحدك على أقصآك
كان ماطرحت هالقصيده.

معآني كثيــــــره لاأحصرها بعضها ظآهر والاغلب خفيه
وعندك.

استوقفتني شطور كثيره.. وابيات.

فإستهليت بذكر الله والثناء عليه وإظها رالحاجه لله..

ثم نقظة البدايه للمعاناة:
ضيقي ضيّقني وضاقتبي الوسيعه في عجاله
ياموّسع فالقبر وسع لصدر ٍ به ضهيدي

وبعدها إعترآف وهو اعترافنا جميعا بالتقصير .

ومن ثم ذكر القبيله وفعولها التي سطرها التاريخ.


والله إني ولد مسعر عربه ودعان خاله
شاخ عامر ثم خلّف شيخته فعل القويدي

ونعم بك وبخوالك يامبآرك...
وحق لك ذكر الفعول الطيبه والمآثر الجزله من أجداادك

والله إنا قد وسمنا في عصا الجار نحماله
وخالي ساق دِّيْتْه لجاره من جداره بالوكيدي

وهذي مايختلف عليها إثنين...

وبعدها يظهر شاعرنا العادل والذي لم ينقص من حق
خصمه ولامن حق مكانة قبيلته العريقه وهذي تحسب
لك يامبارك..

مثل ماني من سلاله أدري إنك من سلاله
وادري ربعك روس قوم وكلن بربعه يشيدي

يطول الحديث حقيقه حول النص وأختم بأبيات أعجبتني
حبكتها الشعريه وفرادة مفرداتها.:

وإدر بإن الجود ناقة إنعطفها بلا شماله
ولوّ تثـوّر بالمعارك إنّا والله خطلآ الأْيْدي
واعرف ان العز شايب وإنا في حسبة عياله
وزايد ابو ٍ للشجاعة والكرامة له حفيدي
****
والرفيق اللي يدوّر زلّة الصاحب خماله
لابوّ من خاوى ضعيف النفس في خبثه يكيدي
تبَّ لإيديّـنْـه,, وتَبّت,, يدّ مْحطّابه وشاله
ماغناه المال وحبله من مِسّد عنده بجيدي


وختاما. أقول ماشاء الله تبارك الله.

المعاني الجوهريه من خلال الابيات وصلت إن شاء الله

للكل.. وبيض الله وجهك على النص وجعلك الله ذخرآ

لأهلك ووطنك .. وحفظك الله من كل مكروه..

هنا استمتعت كثيرآ بالابيات حتى حللتها

فعذرآ لأطالتي