اقتباس:
المشاركة الأصلية كتبت بواسطة مبارك بن الجوير
هذي أول مشاركة لي في منتداكم الشامخ
ومنتدآي فالحاضر القريب إن شاءالله..
وهي رد على شخص من قبيلة كبيرة بأهلها
ولكن كان ردي لناقص" منها أستنقص حق الآخرين..
وقلت......
بأسم ربي أبتدي يآ جلّ من بدع المقاله
وشعاد غير أسمه يبدّى يوم أببدأ في قصيدي
******************************
يا ربي يارب العبيد وحي فرد" في جلاله
ياغفور و يارحيم و عالم بيوم الوعيدي
******************************
ياظليل الظل يوم ٍ لا ظلال إلاّ ظلاله
العفو يآ ذّآ الكريم يوم ٍ عذابك به شديدي
******************************
ضيقي ضيّقني وضاقتبي الوسيعه في عجاله
ياموّسع فالقبر وسع لصدر ٍ به ضهيدي
******************************
يارب انا عبدك ومتني ثقل ذنب القلّ شاله
وأنت ربي وانا عبدك وانت رب كل العبيدي
******************************
عبد ماجا اللي يريد .. و مالا راده قام جاله
دام أريدي وذا يريدي وانت تفعل ما تريدي
******************************
والله إني ولد مسعر عربه ودعان خاله
شاخ عامر ثم خلّف شيخته فعل القويدي
******************************
والله إنّا يابن وايل فالمراجل بالشكاله
و والله إن الرجل منّا للطناخة هو عضيدي
******************************
مثل ماني من سلاله أدري إنك من سلاله
وادري ربعك روس قوم وكلن بربعه يشيدي
******************************
إدرّْ بإنّـا يا ولد لوّ صار لربوعك وكــاله
وصار كل رجّال منكم حسبتْ إ لّموتر جِديدي
******************************
فوالله إنّـا للجمايل كاش وللقاصي حوّاله
ووالله إنّـا لقصارانا بالطويله كالرصيدي
******************************
وادر بإنّا بوصله وإنّ الغنيمة هي شماله
وادر بإنّـا لازرعنا الطيب مانرجأ حصيدي
******************************
وإدر بإن الجود ناقة إنعطفها بلا شماله
ولوّ تثـوّر بالمعارك إنّا والله خطلآ الأْيْدي
******************************
واعرف ان العز شايب وإنا في حسبة عياله
وزايد ابو ٍ للشجاعة والكرامة له حفيدي
******************************
والله إنا قد وسمنا في عصا الجار نحماله
وخالي ساق دِّيْتْه لجاره من جداره بالوكيدي
******************************
والله إنا ماكسبنا الذود من جيز السهاله
ووالله إنا ماسكبنا الجود إلاّ بالجهيدي
******************************
بأمتثلّـك.. من بديع الشعر وآنقّي الجزاله
بيت.. بيت.. إمن الكريم اللي يكرّم بالفريدي
******************************
[[ والله إنا ماتعبنا إلاّ ندوّر للجماله
وعقّب اللي من دروس الوقت عيّا يستفيدي]] (1)
******************************
و والله إنا ساعطين جنوننا نطح الهباله
ووالله إنا فالملاقا ناردّْ بروح الشهيدي
******************************
وادري كل" فيه حقه وادري كل" عند فاله
مثلمْا أدري للذيابه نجلها سِمّيّ وليدي
******************************
وادري إنه مايفرّ الطلّْق في مكرّ المحاله
إلا صكّات الزحول وغبنها فلّ الحديدي
******************************
والرفيق اللي يدوّر زلّة الصاحب خماله
لابوّ من خاوى ضعيف النفس في خبثه يكيدي
******************************
تبَّ لإيديّـنْـه,, وتَبّت,, يدّ مْحطّابه وشاله
ماغناه المال وحبله من مِسّد عنده بجيدي
******************************
والحكّا بأترك هزاله طيب وادور بداله
ولايهز الراس منهو مدعي بحكاه ميدي
******************************
والجهاله للضعيّفه والضعافه فالجهاله
والرديّه بالمصيْده ولآبو جد اللي يصيدي
******************************
والله إنا ماعرفنا الزاد إلاّ في حلاله
والجريمة فالسريْقه مافعلّها إلاّ البعيدي
******************************
والله إن الجْيِد حاله وأشهد إن العيْب حاله
وجعلّ راسي للمنيّه لوّ يمْر العيب جيدي
******************************
ما أتهيمن بالكمال وربي وحده في كماله
بس اعرف إن المراجل والكرامه في وريدي
******************************
باسم ربي أبتديت و آنتهى بدع المقاله
ويش غير أسمه يطرّأ يوم أبختم في قصيدي
وسلامة القاريء...وآعماركم...
__________________________
تنويه (1) بيت للشاعر: ضيدان بن قضعان.
__________________________
