لاضاق صدري ثم تضايقت من البيت = مشيت لين الشمس يدني غروبها
لامن سمعت بطاري البر فزيت = ارتاح للبران ونسمة هبوبها
لامن نزلت بحاجر الروض شبيت = وهب النسيم اللي يساعف شبوبها
وحطيت من بن اليمن ثم تقهويت = مقياس كيف الراس يوّنس شروبها
جوً ربيع ولأم سالم تصاويت = ونبت الخزامى في مسايل دعوبها
اجمع الافكار من عقب تشتيت = وانسى الهموم اللي بقلبي تلوبها
لاجا العصير بعالي الرجم عديت = هاذي طراة النفس وهاذي دروبها
وانا على جو البداوه تربيت = احب جو البدو وارغب اسلوبها
اخوكم \ سعد بن سالم بن سويحل الخضران ..