يسقيك يا وادي الدواسـر هماليـل@من مدلهـمٍ بـه تحـن الرعـــــودي
نوه كمـا زرق الجمـال المحاميـل@قافٍ من الدندان جا مـن وجـودي
عقب المطر يدرج على قاعك السيل@يا ديرةٍ بيـن السهـل والنفـودي
دارٍ حميناها علـى شـرد الخيـل@يومٍ كـلٍ عـن حياضـه يـــــذودي
عفوا جوانبها الرجـال الحلاحيـل@يوم الرماح ويوم قـدح الزنـودي
أبعد على الطامع من الجدي وسهيل@وأن كانها بالطيب يرقى سنـودي
دارٍ لنـا ورثٍ لجيـل بعـد جيـل@و أحبهـا وأنــــــا بسـن المــهـودي
في موقعٍ يشفي الكبـود المغاليـل@كلٍ يريـده ميـر عنـه محــــدودي
شمالها حمـر الطعـوس المهاليـل@وجنوبهـا سهــــــلٍ بليـا حـدودي
مدينـةٍ فيهـا جميـع المحاصيـل@من فضل ربي كـل يـــــومٍ بـزودي
فيها الغروس الداجيـات المظاليـل@مناظرٍ تعمـي عيـون الــحسـودي
ومزارعٍ خضـرٍ سـواة المغاييـل@هـذاك مـزروع وذاك محصــــودي
و مسبلة للناس بالصبـح والليـل@ولا خير في هرجٍ بليـا شهـــــودي
وفيها لسود البل مـرب ومداهيـل@جرد الرقـاب منزحـات العـــدودي
سـود تقـل مداخـلٍ لونهـا نيـل@طفحٍ لواحيهـا وسـاع الخــــــــــدودي