اقتباس:
المشاركة الأصلية كتبت بواسطة مبارك بن الجوير 
جرح السان اشد من ضربة السيف
والهرج نعرف مازحه من صدوقـه
والناس شرهه والهقاوي مشاريـف
وانا تحرى كـل يـوم ب شروقـه
يمكن تعدل محكمـات الصواديـف
ويمكن يوقف . ضخ دمي عروقـه
ويمكن تضهرنا اليالي على الحيـف
لو كـان عزمـي همتـه ماتعوقـه
انحت جبل وسبح من السيف لسيف
والقاف جـزلات الفرايـد تسوقـه
ماخذتها من باب فزعـه وتسليـف
ومانيب من ينثر عشـاه و غبوقـه
بصمة بهامي ميزوهـا العواريـف
وكلا يغني حسـب طرقـه وذوقـه
وانا وريث الشعر واهل المواقيـف
بيت يـذري مـن تناحـت حقوقـه
الحمـد لله ماتباهـا بهـا زيــف
لو كان متني حمـل ابنـات فوقـه
والشعر فيه الجزل والهزل وضعيف
والراس جـزلات الفرايـد تشوقـه
فرايد اهل الشعر وهل الغطاريـف
كلا علـى نهجـه تبيـن طروقـه
مير البلاء من بعض الازوال لاشيف
والقاع جـردآ والوجيـه محروقـه
مـالاع قلبـي لابسـات النفانيـف
يشوقنـي ليـلا تكاشـف بـروقـه
وحب البكار النـادرات المشاعيـف
اللـي فحلهـن طيبـات عمـوقـه
بيض النوايـا كالمـزون المراديـف
وكـلا علـى كيفـه يقـدر حقوقـه
ارررررررررررررحب
يا شمس المنتدى وطلة شاعرية كالشروق يامحمد
اسمح لي اهديك هاللقب المتواضع
صح الله لساااااااااانك ملاييييييين الا ملياااااراااااااااات
شاعر ومافيييييييك حيلة يابوسالم(ماشاءالله عليييييك)
<<ياخي لعد تقولون كيبوردية وعلى عجل
وهذا ماجادت به القريحة ماشاءالله عليكم فكر وجزالة
مفردة ومعنى والله من كلامكم اخاف عليكم من العين
انتم فخر الدوااااسر شعار ماشاءالله عليكم يامحمد>>
يسلم راااسك يابوسالم ويسلم بعد منطووقك الجزل والعذب
وعز الله اني سعدت بمروري المتواضع
فعسى الله يسعد ايااامك..
تبقاء والله يحييك ياشاعرنا العزيز مبارك الجوير
وصح بدنك والله لايهينك على الكلام الطيب والغير مستغرب منك
تصدق بالله اني اتابع ردودك الله لايضرك .
وبالنسبه للقصيده لا جالها دافع جات في ثواني وانت شاعر ماشالله عليك
تقبل فائق تقديري واحترامي