السلام عليكم ورحمة الله وبركاته
اخواني الاعزاء هذي ابيات كبورديه وليدة اللحظه تقبلوها كما هي
جرح السان اشد من ضربة السيف=والهرج نعرف مازحه من صدوقه
والناس شرهه والهقاوي مشاريف=وانا تحرى كل يوم ب شروقه
يمكن تعدل محكمات الصواديف = ويمكن يوقف . ضخ دمي عروقه
ويمكن تضهرنا اليالي على الحيف = لو كان عزمي همته ماتعوقه
انحت جبل وسبح من السيف لسيف= والقاف جزلات الفرايد تسوقه
ماخذتها من باب فزعه وتسليف = ومانيب من ينثر عشاه و غبوقه
بصمة بهامي ميزوها العواريف = وكلا يغني حسب طرقه وذوقه
وانا وريث الشعر واهل المواقيف= بيت يذري من تناحت حقوقه
الحمد لله ماتباها بها زيف = لو كان متني حمل ابانات فوقه
والشعر فيه الجزل والهزل وضعيف = والراس جزلات الفرايد تشوقه
فرايد اهل الشعر وهل الغطاريف=كلا على نهجه تبين طروقه
ومالاع قلبي لابسات النفانيف = يشوقني ليلا تكاشف بروقه
وحب البكار النادرات المشاعيف= اللي فحلهن طيبات عموقه
بيض النوايا كالمزون المراديف=وكلا على كيفه يقدر حقوقه