هذي قصيدة اهديتها لأخوي وصديقي/ حمد بن فنيس الكبرى ..
عندما دعاني في حفل المزاين وشفت فعل الطيب ولابد ذكر الطيب وهله
وأنا أشهد إن ابوفنيس و ربعه من اهله بليا قصور فالقاريء...
يقول بن مسعر وفي صدره شيوخ=يوم الحشا مدهال والراس بن طيّ
غنا وغنتله شياطينه صروخ=إزعج وانابأقيظ بشمسك الفيّ
بدعت من شوف المداهيل بالكوخ=يوم الفعل بالشوف ماهوب يطريّ
هاذي معاميل" بها الهيل مطبوخ=وهاذي مسامير الحطب ضو تصليّ
وهذا الطلي إمعلق كراع مصلوخ=وهاذي الرجال اللي تراحيبها حيّ
طبع كبرى طبع" على الطيب منسوخ=يوم الكبيري يفعل ما يلحقه شيّ
ألآد لأكبر برك اللي ماهي تنوخ=يوم الكسيبة والله خروجها مليّ
من لابة" وجه العدا رد ملموخ=وجه إلعدا ماسوم من شرها كيّ
يوم قصراها ظيمها دونها رضوخ=ولاتأخذ بناخيها دم" لإبن خيّ
ذا فعلها في وقت كافخ ومكفوخ=وماخط فالتاريخ ماهوب ممحيّ
وشعاد والدنيا فطينين ودلوخ=ولاعاد فيها للعطاشا رشا ميّ
لاصار لك صيت" على البير منجوخ=حتيش تظماها وحتيش لك ريّ
والقربة اللي بطنها لدّ منفوخ=بشوفها تظميك وفصبها غيّ
واناعلى طاري الجمايل آبأدوخ=لاصار ذا راسي مضرّيه للضيّ
إنجت على شرواك لااحتد مكفوخ=ثم" نصاني حزة جيوبي خليّ
جوخي لو بيشرا ابأبيع انا الجوخ=مقضية" عازته لوما بالرجا هيّ
لوهي ورا صلبوخ آباصل لصلبوخ=فقصور أبوعديّ بنآصل لأبوعديّ
والله ما أذخرها على قطفة الخوخ=لا عوّدت للحظ ما عودت ليّ
وشعاد لامن صار صاحبك مطنوخ=حتيش قولة كفو في حقه شويّ