__________[ يــا بــــــــويّ ]___________
يا بُوي والدنيا ماجتني على الكيف=والحال مامن حال لو قلت طيّب
لا مهون" رفقه ولا مهمل" ضيف=ولانْي يا (بومحمد) مع الناس خيّب
رمضا الزمن لوّ قيظ مِن واهج الصيف=بآآسووقها علّ شمسها مآ تِغيّب
صـحيح أنا والبنك ماحنا بمواليف=فـقـير دام إنّ الفقر ما يِعـيّب
لا شِركه ومصنع ولا حساب بجنيف=ولا أحضّر موظف ولانيب أَغـيّب
لكن ورب ٍ فُـوووق يُعبَدّ ولاَ شِيف=لي مَاقـفٍ يِحسَّب وفِـعلٍّ يهـيّب
جاء للشعر بحرٍ / وجيته على سيف=مع هاجسٍ غَطّاس صدره رحيّب
في مركبٍ لآْ آبحر مايبغى لْتجديف=وصيدٍ بيعجِّب لَلزلامي و حِبيّب
تاجرتـنا فالطيب عِلم ومعاريف=الدرس فَـالدنيـا والأَريّاء كُتـيّب
ومع اْسهم الطنخات سِقت التِصانيف=وبنك الرفاقة كسبها ما تسيّب
رصيدي رجالٍ وفاها تكاليف=وأأنَّـا لُهم شيكٍ يُـفـووق الحسيّب
عَلى الجِمَّاله مَا لحقني تحاسيف=فَـالأوّلِه أَّصِـيْب / قَبل أَتْصـيّب
عِـزّ الكرامه فَـالرجل زُود تَشريف=و كفَّ الشِجَاعه وَقعَّها ما يِخيّب
إن جت على الشدات!! له مضرب السيف=وإن جَت على المدات!! زِبـدٍ تريّب
والشـهم صدره لِلنشامَّا غَدا رِيف=يوم الرِديّ صدره يِـسَدّ الشعيّب
قدر الشهم شيخ ٍ على حَـدِّ تَصنِيف=والآش مْـرّةٍ مَا أعرِست,, لأَأأ.. و ثيّب
قِدّْ قِلت لِيّ,: طَبْعَ الفِـتى فَالمُـواقِيف=يَغنمّ بِـيمنى للصعيّبه يِـذيّب
ولوّ الفِـتى بَالصِّيت ماله مُواصيف=مَا تِـفيده العُوضَات لآَمِـنْه شَـيّب
عَـلمتِني يَابُـويّ ذَبَّ المْـشاريف=وأنَّا فِي رُوس النَايِفات آَتِجيّب
ورثتنِّي بَالطِيب عِرقَّ [المِقَاطِيف]=سِعطَّ المِجَـنَّنّْ / والمْعَـادى مِعـيّب
وأنا على خُبرك ولأ غَرّني زيف=والعُودَ الأزرَق لِك يِسَاق وتِطـيّب
لأ يِشحنّك بِعـديّ فدّتك المصاريف=إزّهَم وتلقاني يْبَه/ لِك قِـريّب
صِحيح أَنَّا دِنيايّ مَا جَتّ على الكيف=فِالحَال رَاسَّ المَال لأَ صِرْتّ طِـيّب