هذا جفا .......والا دلع مع تغلي ، هذا جفا .......والا دلع مع تغلي ، هذا جفا .......والا دلع مع تغلي ، هذا جفا .......والا دلع مع تغلي
هذا جفـا..والا دلـع مـع تغلّـي
أحترت فيك ولاعرفت انطباعـك
تقول ابي شوفك وارحبّ واهلّـي
واستغرب اصرارك وسرّ اندفاعك
وعند اللقا جيتك وانا شوق كلـي
وتظهر بوادر قسوتك وامتناعـك
اقول لك وش فيك تقسى ياخلـي
وتقول لي ارجوك ماابغى سماعك
مااخطيت في حقك واذا اخطيت قلّي
يمكن من اللهفه وشوق اجتماعـك
ترى البنـادم فـي كلامـه يزلـي
ولاهو عذر يجبرك تعلن وداعـك
واذا سبب قسوتك خـوفٍ وذلـي
استأذنك قبل ألمسك مع ذراعـك
واذا سبب قسوتك دَلّـي وشكلـي
مااغيرّ طبوعي واحاكـي طباعـك
واذا السبب تخفيه لاينكشـف لـي
الله مـع الايـام يكشـف قناعـك
ماجيت ادورّ في هـواك التسلـي
جيتـك هجـومٍ مايضـدّه دفاعـك
دورّ بدالـي كـان ماهـو بمثلـي
عـزالله انـه مايحـوز اقتناعـك
مصيرك انك بالخطا تعتـرف لـي
وترجع وتعلن طاعتك وانخضاعك
واقول لك من قسوتي هـاك ظلـي
يمكن معه تلقى الدوا لألتياعـك