[الـــــــــمــــــــــرجـــــــــــلــــــــــة]
المرجله ماهيب تنباع فالسوق
المرجله لهل الكرم و المـــروه
اهل الوفا والطيب و الدين والنوق
واللي الى جته العرب شب ضوه
ضوه طوال الليل و البيت مطقوق
وتلقا المشب من كثر شبه امشوه
فيه السمر والنار تطلع على فوق
في خبـــة ن من شافها ما تفـــــوه
والوضح يبرق لونها تقل غرنوق
تقطف زماليق الوسم من علوه
وصياني ن تملا مفاطيح وشنوق
وقت الربيع البريازين جـــوه
بين المراجل والردي فرق وفروق
وبعض العرب ياناس مافيه خـــوه
الشاعر/بدر بن سلطان بن حسين التمامي
وسلامتكم
ولي قصيده في الدواسر بنزلها انشاء الله في المنتدى