بسم الله الرحمن الرحيم
هذه القصيدة إهداء متواضع من الشاعر فهد محمد شويمي الغييثات
للأخ /مسند بن سهيلي الغييثات
وخصوصا أنه يشهد له الذين يعرفونه بالطيب والمرجله وماهيب غريبة على مسند
هات القلم زان القصيد وفنه
من يوم جاني للقصيده نابي
دعيتنا الشرد وجت مستنه
من طيبها تطرق علي البابي
كنها تقول ابن الكرم ماعنه
مثايــــلٍ متعطـــره بطيابــي
تنصاك يامسند ولابه منه
يابن سهيلي طيبك يزيد اعجابي
طيبك غمرني جعل ابوك الجنه
والشعر في شرواك قافه طابي
لاجيت أوصف مسندٍ وش كنه
بس الوكاد أنه عريب أنسابي
كل العلوم الطيبــــــه يردنــــه
عـــدٍ قــــراحٍ وارده بركابـــي