[معلومات العضو فهد الغريري]

مّلوا الرعيان من رعيت الذودي = ما صبر بأتعابها كون راعيها
فاطرٍ مسراحها ما له حدودي = ما تريعّ لين تبعد مفاليها
رعيها السهام و الزمل مردودي = و الظعن لا طرّف اليوم قافيها
زينها لا من رعت زايف العودي = في زبارٍ عافياتٍ ذواريها
طالبك برّاق ليلٍ له ردودي = في رفايا هلت الماء مناشيها
جعل تسي ديرتٍ جا له رودي = ضامر الخصّات لا جا ناصيها
ديرتٍ من دونها السيف مجرودي = من قديمٍ من بغاها يخليها

اخوي العزيز الغالي "مترك المسعري"

صح الله منطوقك على هذي السالفه والقصيده

ودايم مبدع في اختيار المواضيع الله يهنيك في عمرك

والجزاله دايم مسلك وطريقك عساك على القوه

وننتظر جديديك المتميز والفريد من نوعه

اخوك / فهد الغريري,,