انامطلب ولوشربت ضمامن صاحب منان
اموت من العطش أحسن من المنةوراعيها
أموت بعزي الشامخ ولاحاجة من المنان
يحسب أني ضعيف النفس يبديها ويخفيها
انا نومي على شوك الكداد أحسن من الحقران
ولاصاحب يلامنة بقى الجزلات يخطيها
يخطبني بكلمة ناشفة يقصد بها الهجران
يلاصارأولة هذي ترى ينعاف تاليها
صديق ساعة وساعةيميل كفت الميزان
يشب النار في كبدي ويلحق جور صاليها
انا ماني ترى مجبور أجامل وأقبل النقصان
مدام ان بة بشر تقدر الخوة وتشريها
انا رجال أجازيراعي الحسنة وأزيدةأحسان
وانا احمل شيمة عليا ولي نضرة تقديها
وانا دوربشر تبني لها بعرش السما عنوان
تشيل الكايدةوالمايلة تدفن مواطيها
تساندني واساندها يلامن حدها ازمان
ولتبخل بشربة ماء والسقاي مهديها
اناودي بشربة ماء من كفوفي وانا ضميان
ترد الروح ريانة وانا عزي بتاليها
الايانفس مالك والذي مايقدر الخلان
ترى الدنيا خلقها الله وسيعات فيافيها
شومي وأبعدي تلقين عنة بهزمان أخوان
أهل الوقفةبساعتين تحداها معاديها
وخل الخايب يولي ولاتضرب بة الميدان
بضاعة خايبة والخايب اللي واثق فيها
لاكن خل الخبيث اللي تضاهر لك وهو ثعبان
وله شخصية مهزوزتن يخفي خوافيها
يجيك بنية حسنة وهو بداخله شيطان
لة اهداف دفنها بأخر المشوار يبديها
عليك تسجل أسمة دايم بصفحة النسيان
بسلة مهملات سيبها لاتجيب طاريها
عسى دارة مطرها دايم عج معه دخان
ولاسالت من الوسمي مسايلها وودايها
تراني شاعر ابحث من النقاد بميدان
ادور شاعر يسري ويقود ساريها
وانا مابية ينطق بكلمة ويقول انا تعبان
علشان أقبلة ناقد على الاهداف يرميها
وانا برجع ودور با لجميع لشاعر فنان
مذكر او مؤنث عينها بكحل مرويها
انا اعد البشر كلة صديق ولابهم عدوان
ولا بة فرق بلجنسين مدام الله مسويها
انا ببحث عن الناقد ونقدة زداني برهان
اراجع كلمتي قبل البشر تبدي خوافيها
احب النقد من عاقل حكيم يبن النقصان
يقنعني بكلمة لةمقامة وأعترف فيها
وختام البيت أقول ابعد من الخوان والمنان
وعلى أسمة دوس بنعالك ترى وجهه يساويها
يقولة شاعر يرفع معانيها قبل تنهان
أشيدها على ساس الصخر وارفع مبانيها
انا ماادور الهين ولهو بلوتر رنان
أدور للجزل والجزل للجزلين نهديها
وصلات الله على لقنة جبريل للقرآن
رسول ثبت ركون الصلاة اللي نصليها