[معلومات العضو نمر بن الأشيب]

أخواني الكرام .. السلام عليكم ورحمة الله وبركاتة
يسعدني أن أضع بين أيديكم مجاراةشعرية قديمة جداً بقدم شعرائها
وأرجو أن تحوز على رضاكم
المجاراة كانت بين عمالقة الشعر في الجزيرة العربية
الشاعر الأمير محمد الأحمد السديري والشاعر مرشد البذال رحمهم الله جميعا

قصيـدة الشــاعـر الأميــر محمـــد الأحمــد الســديري

مضى لي خريف العمر في لذة الهوىأمـشــي بـجـنـاتٍ تــــدارج نـهـورهــا

وعقـبـه ربـيـع الــود جتـنـي بشـايـرهوربـعـت بـريـاضٍ تـخـالـف زهـورهــا

فصليـن مـا أنسـى لـذة العمـر بينهـنولا ناشنـي مـن كــود الأيــام جـورهـا

الاعب المـي وهنـد فـي مربـع الصبـاوعن البـرد سلمـى ضللتنـي شعورهـا

أبـــادل ملـيـحـات الـعــوام بـحـبـهـنوقطعت عن بيض المعاصم خصورهـا

واترعت كأس الحب وانهلت ضامـريمدامـي نظيـم الــدرَ زاهــي ثغـورهـا

من أجلي ومن شأنـي تباهـن بلبسهـنعليهـن عـقـود الــدرَ زاهــي نحـورهـا

أنــا مـغـرمٍ فـيـهـن ولا اود غـيـرهـنهـن زيـنـة الدنـيـا وهــن نــور نـورهـا

غـرَن غـراً غـيـر حَــوَن كـامـل البـهـازما فيض ريعان الصبـا فـي صدورهـا

إن ضاق صـدري هنـد ناديـت باسمهـااليـا شفتهـا نفـسـي تـزايـد سـرورهـا

وهـــي تنـادمـنـي ليـاخـيـم الــدجــىشـذا الـورد منهـا فايـح مـن عطورهـا

قطفـت منهـا بالهـوى زهــرة الصـبـاوسلـمـى تبادلـهـا بـشـوري وشـورهـا

أنــا مـغــرمٍ فـيـهـا وقـلـبـي يحـبـهـالـيـا شفتـهـا روحــي تـزايـد حبـورهـا

بعد ما انقضى عصـر الغـرام ولوحـتامـورٍ شكينـا مــن سمـايـم حـرورهـا

تخطيـت درب الـكـود للـكـود والعـنـاأخـــوض غـبــابٍ تـلاطــم بـحـورهــا

وافـكــر بـقــالاتٍ عـلــى الله حـلـهـاأمـورٌ تخالـف منـي تخيلـف عصورهـا

تـغـيـرت دنـيــاك يـــا جـاهــلٍ بــهــاوعن الناس غابـت بالغياهـب بدورهـا

ونـويـت لـلـعـراف أوجـــه رسـالـتـيإلـى مرشـد البـذال اسطـر سطورهـا

أقـول يـا مـرشـد غــدا لــي ذواهــبعليهـن عِبَـاري حطـم الـزور زورهــا

أنا أنشـدك عـن ثنتيـن مـا زاد عدهـنويقولون ، بعض الناس هـذي قبورهـا

وبانشدك عن ثنتيـن غابـت عـن المـلاوهـن بحـرف القـاف والفـأ اسبـورهـا

عليهن ذرفت الدمع من موق ناظـريوتمنيت لو يرجع علـى النـاس دورهـا

تمنيتـهـن والقـلـب مـنــي يـرومـهـنوتمنيـت صفـو أيامـهـا مــع شهـورهـا

ابغي معـان وضـاع يـا رشـد سلمهـنضـاعــن ودنـيـانـا وســـاعٍ ثـغـورهــا

وثنتين اشوف الناس تمشي بسلمهـنوهـن بحـرف الغيـن والحـأ أنشـورهـا

يا مرشد سنوهـن هـل الكيـد والـردىونـمـشـي دروبٍ كـايــدات وعـورهــا

أنـا أريــد خــلانٍ بـهـا الـجـود والـوفـاولا أريــد خــلانٍ اتـبـحـث أجـحـورهـا

أنـا أريـد خــلانٍ تسـامـى إلــى الـعـلاولا أريـــد خـــلانٍ قـصــارٍ شـبـورهـا

أنــا أريــد خـــلانٍ تـعــزى وتـعـتـزيوعلـى عـدو الــدار تِظـهـر شـرورهـا

وقولٍ لمن ينشد عن أصلـي وعزوتـيأنــا مــن حــرارٍ بالعـوالـي وكـورهــا

أنـــا حـفـيـدٍ لابـــن بـــدران عــامــرضميني الرجـال اليـا تعصـت تمورهـا

تضرب بـه الأمثـال فـي كـل مجلـسوهو شيـخ ألـد زايـد بصكـة أعسورهـا

يقول الخلاوي صادق القول مـا كـذبصـدوقٍ ولا بيـن الـمـلا قــال زورهــا

خلـت نجـد مـا يِلقّـى بهـا فاعـل الثنـاالا ضـمـيــن الـزّايــديــة وســورهـــا

وحنـا إذا شـح السمـا وامحـل الوطـنإن مـا وجدنـا الضـان نـذبـح لخـورهـا

يـامـا بذلـنـا الـجـود باللـيـن والقـسـاإن ركـبـت عـسـر الليـالـي دهـورهــا

ترى وسمنا يا مـن ليـا شـاف وسمنـاضـلـعٍ طـويـلٍ شـامـخٍ بـيـن قـورهــا

قصيــدة الشــــاعـر مـرشـــــــــد الـبـــــــــذال

الكبـد يشكـي مـن عظايـم حـرورهـاقدوعـهـا الـمـآ والزقـايـر فـطـورهـا

وليـا بغـت تنـوي علـى الصـوم باكـريـحّـول ونــات الضـمـايـر سـحـورهـا

أسبـاب شكـوى مـن عـزيـز يهمـنـييبا الراي في فعل السنيـن ومرورهـا

يابو زيد ما من غير صبر علـى القضـاالأيـام هـذي شيّـب الــراس طـورهـا

وإن كـان سلمـى باشـرتـك بصـداقـهحمـت لـك بساتـيـن تـغـرد طيـورهـا

خلـتـك فيـهـا غـافـل الـقـلـب دالـــهكفـى الله عظايمهـا لـيـا زاد فـورهـا

الـيـوم بـــارت بالعـمـيـل وتـغـيـرتوهــذي عـوايـدهـا سـريــع غـدورهــا

والـرد منهـا يـا السديـري علـى البنـامـن أكــل حلاويـهـا تــذوق مـرورهـا

بنـت لنـا فــي مبـتـدا العـمـر قلـعـهخـضــرٌ حدايـقـهـا والأوراد ســورهــا

يغنـي حـمـام الــدار بأعـلـى ركونـهـايـدعـي حـمـام الـبـر بــأول عبـورهـا

واليـوم عقـب إنكـار سلمـى وغدرهـاسـدت شوارعـهـا وهــدت جسـورهـا

يابـو زيـد زمـات الصبـا يــوم وقتـهـاعـز الله انـك مــن نــوادر صقـورهـا

كـم خفـرةٍ مـا يـدرك الـنـذل مثلـهـاخاشرتـهـا بالعـقـل بــأول ظـهـورهـا

أخذت من طـرد الهـوى غايـة المنـىبأيـام عـنـك الـيـوم قـفّـت نشـورهـا

أيـــام تـذكـرهـا بـنـومـك ويـقـظـتـكغابت ولا كن فـي ضميـرك حضورهـا

تـذكـرك فيـهـا هــدّة الطـيـر بالـخـلاوطرد الجوازي في صحاصح قفورهـا

ومشاهدك عقب البطا ضامر الحشىاللـي علـى شـوفـك تقـسـم نـذورهـا

أخــذت قفرتـهـا عـلـى أول طراتـهـاواليـوم خـل لقـاصـر الـبـاع سـورهـا

واليـوم عنـدي شـور كانـك تطيعـنـيكلمه ، وسامح صاحبك فـي قصورهـا

من عقب الستين يسمح عـن الهـوىشـرب صافـي الجمـة وخـلا كدورهـا

يـابـو زيــد حـنـا يــوم زمــة شبابـنـامثـل الطـيـور الـلـي تـهـاوز نقـورهـا

ولـيـا تـجـاوزنـا الأمـــور الصـعـايـبيسـهـل عليـنـا يــا محـمـد عـبـورهـا

ولا تحسـبـن الكـبـر للـرجـل عـثــرهولا يـبـيـن فـــي عـضـانــا فـتـورهــا

وتـرى الرجـال اليـا حكمهـا اعترافهـاتجـي عـن الفكـرة وســاع سـدودهـا

يابو زيد شف من عرضها خـرد البنـياللـي تحسـب أن الكُبـر مــا يـزورهـا

الـيـوم تـشـدى وردة شــاب عرقـهـانشـف لبـهـا مــا بـاقـي إلا قشـورهـا

يابـو زيـد لـو نبكـي سنيـنٍ مضـن لنـابكيـت ليـن العيـن تنـشـف حجـورهـا

عـلـى نـجـوعٍ فــرق البـيـن شمـلـهـااقفـت بهـم جـرد السنـيـن ودبـورهـا

مــا كـنـهـم داجـــوا بـنـجـدٍ الـعـذيّـهريــح المسيـكـا والخـزامـى بخـورهـا

ولا بـنــوا فـيـهـا الـبـيـوت المـنـيـفـهالـلـي تـنـهـض للمـسـيّـر كـسـورهـا

ما أحلى عوايدهـم وم أحلـى سنينهـموما أحلى صلاة الفجر لجـت نجورهـا

عقـب منازلهـم علـى الـعِـد بالفـضـااليـوم ضمتهـا القـرى فـي قصـورهـا

تزامـلـوا عـقــب الـحـرايـر مـواتـيـرعوصى النجايب كسر الوقـت كورهـا

بعضهن يجند لْها السبيتي على القنصيـعـلـن لجـيـرانـه بـذبـحـة جـزورهــا

هــذا جـزاهـا يــوم أهلـهـا تـحـضـرواقامـت علـى الكـورة تعـلـم بـزورهـا

يابو زيد تنشدني عن اللي ذكـرت لـيأفـــراد كـلـمـاتٍ تـحـيـرت ادورهـــا

منـهـن سمعـنـا نـيـة الخـيـر وأهلـهـاضـاعـت بمنـكـرة الجمـايـل بـذورهـا

ومنهـن سمعنـا كَلمـة الحـق جمّـدتْتعـرف ولكـن صـار يصعـب ظهورهـا

ومنـهـن تقـالـيـد الـمـهـادي وجـــارهتركـت وهـي تقـرا صفايـح سطورهـا

والغين ذل مـن هـل الغـش والحسـدترمـيـك فــي بـيـرٍ طـويـلٍ قعـورهـا

هـذا وسامحنـي تـرى البـال منشغـلأفـكــار قـلـبـي غـايـبـات نـسـورهــا

لمن أراد نقل هاتين القصيدتين من الأخوة زوار المنتدى ...
نرجو ذكر المصــــدر .. وهـو منـتــدى قـبـيــلة الـدواســــر الـرســــمـي



أخــــوكـم في الله

الـعـــرابــي