[معلومات العضو برنسيسه الريــــاض]

السلام عليكم ورحمة الله وبركاته

مســــاء ’’ صبـــاح الــــــــــورد

لا ضاق صدري رحت للبر حطاب*وشبيت ناري في صحاري خلاها



وسط الفياض اللي بها ازهار واعشاب*ريح الخزامى فايح (ن) في مساها



استرجع الذكرى على راس مرقاب* وارسم لقلبي صورة (ن) ما نساها



دنياك تلبس لك عباية وجلباب* وتخفي غدر سود الليالي وجفاها



شفت القمر يوم اكتمل صارجذاب* نور ليال(ن) مظلمة في سماها



ترى العمر مثل القمر طل ثم غاب * اغنم حياتك لا تكدر صفاها



حافظ على الطاعة قبل يقفل الباب * ثم يتبين صحها من خطاها



اليوم فعل الطيب راعيه ما خاب* عند الرجال اللي بعيد(ن) مداها



الطيب يبقى يا فتى الجود لو شاب* في شجرة(ن) سيل المكارم سقاها



والبيت ما يبنى بلااوتاد واطناب * ومن لا بنى يسكن مذاري هواها




،،


،

ممــــا رآآآق لي