صباحكم .. مسائكم وأيامكم كلها .. خير ورضى وسعادة
وهذي أبيات من اختياري أتمنى لها القبول ,,,
*
*
أجرحيني يا غلاي وعذبيني=وإن برى جرحي تعالي وأجرحيني
في عذاب الحب يلقى القلب نشوّه=نشوّة التعذيب روعه صدقيني
ولا تخافي يابعد عمري عليّه=فدوّة ٍ لك عمري وايامي وسنيني
لا تهمك عين ماتت من سهرها=السهر يا منيتي تهواه عيني
ما جزعت ولا طرالي يوم أجزع=راضي بكل الذي منّك يجيني
بس ابي منّك ليامني سألتك=عن سؤالي ياغلاي تجاوبيني
باسألك بالله قولي شستفدتي=من عذاب اللي يحبك فهميني
والخفوق اللي هتف بحروف أسمك=إسمعي نبراتها بنغمة أنيني
جاوبيني مت انطر هالأجابه=ومن عذابي ياعذابي أرحميني
لا متى وانا أنتظر جنّة وصالك=لا متى وأنتي بتجين وماتجيني
ولا متى وانا أتخربط بالأسامي=والا ادوّر حاجتي اللي في يديني
جاوبيني جاوبيني جاوبيني=والا قوليها بصراحه ما تبيني
لكم خلاص تقديري