مل قلب في طواريق اهل الهوى دايم حليف = مثل حلف الاطلسي عاقدً حلفًلها
احسب ان قلبي قاسي واثر قلبي خفيف = مايتحمل نضرة العين من طرفًلها
مرني وأثّر على القلب بالخصر النحيف = والردوف اللي تقصر الثوب يوم يتلها
كن خده بارقً بالعشي جاله رفيف = صكه الشرقي وقام الثعول يهلها
عود موز ناعمً في بساتين الشريف = كل عصرً والمطر من سماه يعلها
عنز ريم ذيّره صوت واقفى مستخيف = زوعت عرجود وارقباها عرجًلها
من دخل في سوق مكه عاف سوق اهل القطيف = وكل نفسً في هواها تعيش احسنلها
من عرف حب الوفى مارقد فوق الرصيف = من ولا الدار العزيزه يكون حمًلها
والنفوس اللي كريمه تضيف وتستضيف = الوفى منطوقها والكرم عزًلها
تل قلبي تلت الحبل من راس العسيف = استشاط القلب بين الضلوع وفلها
لايمي في حب خلي يقودونه كفيف = تضلم الدنيا بعينه وهو صاحًلها
ممحلً قلبي وقلب الغضي دايم مريف = زاخرً بالنبت يوم الزهور بحلها
مع تحيات الشاعر : سعد بن سالم بن سويحل الخضران الدوسري