هذه القصيدة للفارس الشجاع/ هندي الغضيب الحناتيش آل بالحسن المساعره
وهي من أشهر القصائد التي خلدت معركة ( المعتلا ) في القرن الثالث عشر الهجري في عهد الدولة السعودية الثانية .
غرسي ياللي وراء الحيطان متثني= يعجب اللي يعاين صفت عذوقه
سوره من القنا والسيف منسلي= راسخٍ في نفود تسبح عروقه
جانا عبد الله بن سعودٍ يغني= يبغي اللغف تمره زان بيذوقه
ماغزينا يكون الوقت متني= قاعدٍ يجمع كلابه نوا عوقه
معه ابن هاديٍ قحطان متمني= كاتبٍ له نخل حمدان بيسوقه
جاه منا سمومٍ تظهر الجني= صلفةٍ تقشع الصيوان من فوقه
ردته خيلنا ردٍ على ظني= دوك بيرق هل العوجاء على نوقه
ذا لعناك يابن الزين متحني= من وليناه ماعود على شوقه
ابن شويه وبن عيافٍ يوني= وابن لحيانٍ وبن معمر فوقه
يأكل الذيب والضبع يتلاحني= كل منهن يشوف الزين ويذوقه
الف مقتول منهم فنقله عني= في ضحى المعتلا يوم احتمى سوقه
لايغرك حكايا كل متمني = كون من جاك فعله قبل منطوقه
المصدر .. مسودة ديوان الأمير شيبان بن قويد