المعذرة ياذمتي ... شيّلتك الحمل الثقيل=كله على شان اجتماع .. في زمان البعثرة
مدري وش آخرها طريق سرتها وازريت اشيل=زودتها واتعبت ضلع(ن) كلما أجبره أكسره
كنت احسب الخطوة وأقول أن الخطا حظه قليل=كنت أقهر الليل بشعاع الشمس وأضحك وأسهره
كنت أجهل إن الليل وإن طال السهر باله طويل=وأنه يجي لليل حيل وكل ضاحك ... يقهره
وإن اليدين اللي تمَد لنيلة الصيت الجميل=أول رجاها ترجع بأطيب غنيمة ... مصفرة !
يالله كل القصد خير وخالطه شي(ن) دخيل=غصب(ن) علي برغم حرصي وانتباهي لأكثره
ويالله مانيب اطلب الحاجة من كفوف البخيل=يالله عفوك والعفو يالله عند المقدرة
أدري منال الخير صعب وفي مداهيلي دليل=وأدري يمين الفعل تالي هالزمن صار ايسره
لكني ارجي يالزمن لو هدني حمل الشليل=لا مالت اعناق السنابل .. فالسنابل مثمرة
هذي سوالف ذمة(ن) شالت من الحمل الثقيل=كله على شان إجتماع في زمان البعثرة
أخوي //// جلاجل الجلاجل
قصيدتك جميله وجزله وقافيتها أحلى
أبدعت وصار الإبداع أجمل حينما كان حديثك بينك وبين نفسك
صح لسانك واعتلى شانك