يا الله ياالمعبود يالله يالله=ياخير من ينخى بوقت الشدايد
نبدي بذكره بول القول واتلاه=قدام مانبدي بزين القصايد
(مشعان) عسى جنة الخلد ماواه=عساه في الجنه وخضر البرايد
مشعان أبن حزام ياكيف ننساه=شيخ رحل من الدار مهوب عايد
مشعان عز اللي نصاه وتنصاه=عزالله أنه في الرياجيل كايد
(شيخ وطيب الشيخ من طيب مجناه=أبوه قبله من شيوخ آل زايد)
(حزام) اللي قلطه فعل يمناه=على الخطر يارد وسيع البنايد
مشى مع صقر الجزيرة وخاواه=وخلا الرخوم مكبرين الوسايد
يشهد له التاريخ واللي بيقراه=يلقى الحقيقة متبي لها شهايد