[معلومات العضو هادي ابن مطلق ال عمار]

قالت علامك فضحت السر يابن الحلال=وخليتني عند خلق الله انا المذنبه
قد قلت لك بن وصلي من ضروب المحال=وانته بنجد (ن) سكنت وديرتي بتربه
قلت انتي الي خذيت القلب من دون مال=وبسبابك النوم جافا مقلتي وحربه
ومن يوم قفيت مني ياحسين الدلال=اخذت من قيس ليلى العامريه شبه
انوح نوح الحمام الي بروس الطوال=وبكي وابكي صليب الصخر من تجربه
انا المولع بحبك ياعسير المنال=ارفق تر الحب يالمجمول قلبي اتعبه
قالت لي الحب بلوى والمفارق زوال=وكم واحد قام موته بالهوى يندبه
وانا احبك واحبك والعشق لايزال=دون كلامي على قلبك ولاتكتبه
والله مرضى بغيرك لو حياتي تزال=امر وش الي تبي من صاحبك وطلبه
قلت طلبي لو رضيتي شربتن من زلاال=اذوق طعم الشهد من مبسمك وشربه
واضم صدري لصدرك ياشبيه الهلال=واطوي ظلام الشقا من خاطري واشطبه
ياشبه ريمن من القناص جاها جفال=ويابو عيونن ورمح الترك وسط اهدبه
ويالي خذيتي على الخفرات تاج الجمال=مابين خصرن نحيلا وبين طول رقبه
الله يسقي ديارك من صدوق الخيال=يلي خيالك معاي وديرتك بتربه