السلام عليكم ورحمة الله وبركاته أهدي لكم هذه المجاراة الرائعه بين الشاعرين سعد بن جدلان الأكلبي والشاعر عيدان بن راجس الهوامله وكلي أمل بأن تحوز على رضائكم .
ترى القلب هاجوس الظماير طرق بابه=وسلَم عليه وبشَره باللي يحبه
يلاون إبن عدلان يدري بما صابه=وقف له على باب الظماير ورحبَه
فأنا أجنبَه لو كان ماأبغي تجنَابه=وأنا خايفٍ تجرح شعوره وأنا السبَه
أنا أشوف برَاق الدجى من ورى سلابه=وكن القمر من مفرق الراس للبَه
وهذه مجاراة الشاعر الكبير : عيدان بن راجس الهوامله
غرامي وإبن جدلان مزمن ومتشابه=لنا فترةٍ ننزل من الرجم ونذبَه
جرحنا وبيَح سدَنا كل نصَابه=مزوحٍ تصيد القلب وتروح تلعبَه
عسى من يلوم مولَع الحب يبلابه=يجرَه مثل ماجرَنا لين ينشبَه
مع اللي إسلوبه كنَه السحر لأحبابه=شعور المحبَه فيه من قابله حبَه
مثل ماجرالي وأجحده قبل يدرابه=وأقوي عزومي وأمدح الحظ وأسبَه
تسلَط علي زملوقةٍ زوَدت مابه=ضميري وخلَت ليفة الصدر مشتبَه
غريب الجمال اللي خذى القلب وأقفابه=وليا جيت أنا بأشبَهه ويش بآشبَه
يشابه مدامع جفَل الصيد وأرقابه=وإليا شافه المسلم بعينه ذكر ربَه
وكتفٍ وردفٍ لاوقف يزهن أسلابه=وصدرٍ يشابه ناعم الشاش من لبَه
يبيني وقلبه واثقٍ مالي إلأ به=وأحب الجماعه كلهم قومني حبَه
وسلامتكم جميعاً
محب الجميع : دغش بن بطي