ابيات قلتها بعد وفات المغفور=
له باذن الله سحمان بن صمهود=
يوم الربوع اللي مضا مع مسيان=ياليت جوالي سكت مع رديفه
اسوا خبرقد مر سمعي الى الان=ابطيت قلبي ماتوقف رجيفه
بعض العلوم اشد من وقع شامان=يقسم معاليق الحشا بالنصيفه
ياكبرجرحً خلفه موت سحمان=جرحً بيبطي ماتوقف نزيفه
يافرعقلي فرة الطيرشقران=فكه غشيمً والهوا له وحيفه
يافوح صدري فوحة دلال رسلان=من فوق جمر السمر ولاوصيفه
يالج صدري لجة امات حيران=قفابهن زولً غدن له وضيفه
يامزع قلبي مزعة الدلو مليان=وعرضته الجافل لروسَ نحيفه
ماقلته اشكي من هوا خدر الاعيان=زين القوام اللي هروجه لطيفه
ابكي على بحرالمكارم كحيلان=زين النبا رعى العلوم الظريفه
عون الرفيق اللي عليه الدهر شان=كريم سبلاباليال المحيفه
ويفرح به اللي له خصيم وديان=لامن زفا جمع صفوفه كثيفه
يابري حالي عقب فرقا بليهان=بريت عوادين الثمام الصخيفه
عسى الحفريسقيه همال الامزان=دهم السحاب اللي تزبر قنيفه
يسقيه من وبل المراديف ودان=حتى يغدي الروض مثل القطيفه
يجيه رواح المطر كل الاحيان=يسقيه همال الوسامي وصيفه
عشان قبراللي له الطيب عنوان=نطاح عسرات العلوم الكليفه
الله يقبل من دعاله بغفران=ويسكنه في جنات عدن المريفه
اطلب عسى له جنة الخلد مسكان=فضل من الله مكرم اللي يضيفه
والحمدلله خلف طيور حوران=سربة شغاميم تعشق المنيفه
سربة شغاميم لهم بالفخر شان=لامن هفاخطوى الهدان وحليفه
سالم بن صمهود=