اقتباس:
المشاركة الأصلية كتبت بواسطة خيالية
بديت بسم ربي عذب القصايد=قصيد شاعر جزل الابيات عدها
في مدح ربعي ساق شعري الفرايد=قبيلت(ن) في الطيب محد(ن) جحدها
تاريخهم راسي في ماضي السرايد=وعلومهم في الطيب وافي عددها
وطرح الوغى تفنيه حدب الحدايد=ستر العذارى والصغيره في مهدها
من لاد تغلب لازهمني ولد زايد=وزايد لمن زهمني في تغلب ولدها
يمنا على يمنا تجيب الحصايد=ولزرع ربعي في الهوايل حصدها
بيوم الشريف وحظه امسى نكايد=يطرد ورى ناموس ربعي فقدها
ويوم القبايل تستعد في الوعايد=محد قدر يدحر جيوش(ن) جندها
خطلان الايدي يوم لطيب قايد=فعل الحرار الي ينومس هددها
دواسر(ن) سند لاضاعت سنايد=يوم الحرايب تستعر في وكدها
دواسر(ن) لمن غدا الوقت كايد=تشيل الثقيله والثقايل فندها
دواسر(ن) لمن غدا الصيت نايد=ولاشتدت الهيه تراكم سعدها
دواسر(ن) يوم الصغاير واحايد=صنف(ن) على الطيبات تومي بيدها
دواسر(ن) يوم الكباير عمايد=كبيركم كل المراجل وجدها
دواسر(ن) يوم العزاوي زوايد=صقل السيوف الي ينادي رعدها
دواسر(ن) يوم الهقاوي وكايد=انكم سنا الامجاد وانتم بلدها
دواسر(ن) لاشاش راسي الوقايد=كبو على الميدان صالي وقدها
دواسر(ن) والطيب ساق الموايد=مدهال طيب(ن) للمسير رصدها
دواسر(ن) للضامي عز ومدايد=مجلى الضعيف الي حياته زهدها
دواسر(ن) ترقى على الطيب نايد=ولاكل من رام المعالي صعدها
دواسر(ن) مخلاب حر(ن) وصايد=سمن الفعول الي تنومس عمدها
دواسر(ن) في يوم عصر المكايد=ترسي كم رسي البواخر وفدها
دواسر(ن) لاجا في وقت المصايد=سنام جود(ن) للعزاوي سندها
دواسر(ن) والطيب فيكم عوايد=قبيلت(ن) في الطيب كلن حسدها
دواسر(ن) لاشتد صحيح الجنايد=حلالة حبال(ن) صعيب(ن) عقدها
دواسر(ن) تاريخهم من شهايد=ما خلت لباقي القبايل بعدها
دواسر(ن) تدحر كبير القوايد=فعل(ن) كما وضح النقا من شهدها
دواسر(ن) مبنى من الجود شايد=اهل السيوف الي تودع غمدها
دواسر(ن) يوم العدا جاك رايد=يغزي على دار(ن) وجاله نكدها
ثم استعدو والعدا حال عايد=دياركم بالسيف حامين حدها
ولاحد(ن) يقول اني عليكم ازايد=اقسم برب الكون انكم وعدها
قصيد شاعر جا في عزف النشايد=محمد ابن حسين فيكم قصدها
وعلى النبي بعداد غرد الغرايد=صلاة رب(ن) كل مسلم سجدها
صـــــــح لسااانك ،، واعتلى شااانك .. |
خياليه صح بدنك ولاهنت على مرورك الكريم
تقبلي تحياتي