بسم الله الرحمن الرحيم
هذه القصيدة كتبتها في ناقة التحدي (فزاعة)للمالك الشيخ/حسن بن شايع بن هذال الشكرة والتي سوف تشارك بإذن الله في أم رقيبة هذا العام ولقد أطلقت عليها اسم (فزاعة الدواسر) وفالها الناموس والمركز الأول: |
ياقلم اكتب من الشعر بأنواعه=البيوت الي على الطيب مرساها
في البكار الي على الفوز طماعه=بالصدارة دوم والفوز يزهاها
جات فزاعة على الفوز مطواعة=ويل منهو بالتحدي تحداها
فالمزاين خلت الناس مرتاعة=جابت الناموس والفوز بيمناها
اسمها بين الجماهير فزاعة=جابت الفردي على ماتمناها
العدو لاشافها زادت اوجاعه=والصديق الي ينومس ويتباها
فوز فزاعة بالأخبار منذاعة=فالمزاين باقي البوش يتلاها
عند رجلن قمة المجد مطلاعه=عند ابن هذال بالضيق منصاها
ياحفيد الي بنى المجد بذراعه=معتلي رووس النوايف ويرقاها
من رجالن قمة الطيب وشعاعه=لاد شكرن في سما العز مبناها
العدو لاشافهم شانت اوضاعه=فعلهم وسط الدواوين يقراها
ختمها مبروك مبروك فزاعة=جابت الأول على ماتمناها