ما أجملك ياللي على البـال مريـت
كن السنين تقول وين انت عني ..؟؟
كل الدقايق ميته شوق وأزريـت ..
أحيي من الساعه دقيقـه تغنـي ..!
حنين صدري ضو فيـه استقريـت
الحلم جمَـر / وانتظـارك طعنـي
ذكراك غصنٍ فيه غصبن تعريـت
كنك عناد الريـح / والطيـر كنـي
تعال واحسب / كم على البال سريت
أسراب غربه ذاقـت المـرَ منـي
صدقت فيك الصبر مايـوم ماريـت
وانهال يشرب من عـروق التمنـي
ياما بكت منـك الحنايـا وداريـت
دمعه على باب المطر لـك تونـي
الحزن يفرح بي وانا به تضريـت
حنَيت صدره نبض / ثـم امتحنـي
أذكرك بالنسيان وش عاد ل اطريت
صوت الخيال اللي حصانـه غبنـي
آسرج نوايا الطيب للروح جاريـت
والقى الغياب افضل حلول التجنـي
مليت ناس / وناس منهـم تبريـت
من بعد كل الناس .. عاشرت ظني
مالي وطن غيرك ولجلـك تباريـت
مع السما وامطرت روحي لأنـي ..
.. أصدق من الما بالعطا ماتواريت
واكثر وفا من هـالزمـان المعنـي
اهديتك اعذب غيم فيني وصريت ..
.. غيم التعب باشلاء روحي سكني
يافاتني وينك تـرى منـي أزريـت
كل السنين تقول وين انت عني ..؟؟
.
.