بسم الله الرحمن الرحيم
تمارا حمود بن شيبان هو ومشوط القحطاني ,, وقال القحطاني عليه العار ان يسري ابل الحقبان من قصورهم فقال حمود اذا سريتها انت تاصل وحن نلحق ,, وضو مشوط على الديره واخذ الابل حيافه ولحقوا الحقبان عقب ماراحت البل وفزعوا في اثرها ولحقوا القوم وقتلوا منهم وردو الابل والحي من القوم ولم يسلم منهم الا الشيخ بن مشوط فقال حمود بن شيبان هذه الابيات
(الشـــــــــــــــاعر حمـــــود بن شـــــــــــــيبان الحقبــــــــــــــــاني)
انا هاضني صياح ليلة مبيت=مريب على الجواد ليل العنا لها
جينا ودنينا من الهجن كنس=نقينا مرادمها ونرمي هزالها
ركبنا على العيرات من الغرس جهمه=وعصر بني رمح نشرف طوالها
ركبنا بضو الحرب من طيب فالنا=وننثر على اثاري المعادي اشعالها
رفقنا بهن بين العشاوين ساعه=لين اجرهد الليل ثم طاب فالها
ساعة بدا النجم المسمى على الشفا=لا الربع من باب الفرج من منالها
رفعت بعالي الصوت يالاد تغلب=هداليج باعوا بيعت ينهالها
لحقنا قبيلتهم واخذنا ركابهم=وزين الحفيا مشوط ماثنالها
لعناك يالعوجا وفاطر مبارك=عديناك ياطماع دافي وشالها
مضرينها جداننا لهذي ومثلها=وذي صفت راحت وحنا عيالها
عقب ردي الخيم لاقال هرجه=ولا حاكي في قوم الا رذالها
يبغون هزرتنا اذا ضال مجلس=وهو عاجز عن شوفته ماحمالها
قم يانديبي من على وسق ضامر=لادرهمت خطر تقطع حبالها
تنصى بن جيعان من هاشل الخلا=له كرمة لاجا العشى ينعنالها
قل لي بوادي الراك والضيق ديره= من الضد والامات حامين جالها
بمحبب ومصيب ينثر الدمى=مع كل معطاب يسرع بفالها
يالله انا طالبك رايح ليله= يطير مسافيح العصى من جلالها
يسقي لنا فردة على كفة الغضا=يجي الحول والماء ناقع في جالها
واعتذر لكم اخواني عن اي خطأ بالقصيده وذلك بسبب عدم وضوحها عندي