::: مـنتدى قبيلـة الـدواسـر الـرسمي ::: - عرض مشاركة واحدة - الأمير شيبان بن قويد وصالح بن قهسان اليامي ووقعة ((عان شيبان))
عرض مشاركة واحدة
قديم 12-09-2005, 01:41 AM   #3
 
إحصائية العضو







الشكري غير متصل

الشكري is on a distinguished road


افتراضي

فاطري في الرجع كم لك من محله= ياوجودي ذي عهودك خالياتي
ياوجودي ماحضرك الا المذله= ربع ٍ ذاخرين ٍ بالعمار الغالياتي
ليتنا عندك ولو كنا مقله= كل ياخذ من نصيبه من الحياتي
لا تجي المشراف واحذر يامسله= لا تجي المشراف حولك نايفاتي
احذروا من ضمر كنهن الأهله= فوقها ربع ٍ ينوسون العداتي
الوضيحي ذرينّه من محله= والغضيض االلي يديه مرصعاتي

وعندما سمع الأمير شيبان بقصيدة صالح رد عليه فقال:

راكب اللي زين العساف دله= يم (بن قهسان) رد له الوصاتي
لا لفيتوا (صالح) بالعلم قلّه= فعلنا ذا من عصور ٍ مبطياتي
لا ركبنا الجيش للحربي ندلّه= مانهيب البل على الماء والفلاتي
يوم شفنا البل ركوز ٍ في الأظله= مانشدنا عن الحياة والمماتي
هم جرينا عليها غارة ٍ له= العقيد اللي فعوله ماضياتي
(ابن قهسان) خذينا فاطر ٍ له= بين ( عان) و(الصعيد) البياناتي
لحقنا يبغي فككها عادة ٍ له= ثم كسرنا يديه الشاطراتي
هم لحقونا هل البل فزعة ٍ له= آل هندي المداغيش العصاتي
هم حولنا لهم في الارض سله= هم نوخنا لهم بمردفاتي
كل فعل له طرات في محله= لا تلاقن الوجيه المنكراتي
بنت اللي فوقها راس ٍ تهلّه= من الحمايل من زيان البناتي
ليتك تشوفين من جاء فيه ذله= تنذرين اللي وراك من الخواتي
من ضربنا طاح ماله من يشله=في ثر البل ميت ٍ للحايماتي
راحت البل عقب هوش فيه فله= هم هزمناهم ضرب مقرراتي
ثم قسمنا البل على قوم مهله= قسمنا التالي على ثر الاولاتي
سبعة ٍ ذلوا وجاء في الربع خله=هم عطيناهم حققة مصمعاتي



رحم الله الامير شيبان بن قويد واسكنه جنته

اسمه خالد في قلوب ابناء القبيله

وعلم من اعلامها ومن اشهر فرسان الجزيره

وملك صفات الشيخه والفروسيه


الاخ العزيز / اصمعي الدواسر

ابيض وجه لا عدمناك

مواضيع في قمة الروعه

وتشوقنا دايم لجديدك

وسجل اعجابي في مواضيعك

وعساك على القوه دايم الدوم


اخوك


ابو عبد الله الشكري



 

 

 

 

 

 

التوقيع


آلاد شكر هم اكعام المعاديني= صوارم في اللقا تروي شلافيها
ذباحة الحيل يوم الزمن شيني= مهوب يوم العرب فاضت مخابيها
يفرح بهم هاشل ذاق الامريني = والجار يامن بقصرتهم ويغليها
الشاعر الكبير برق الجنوب
آخر تعديل الشكري يوم 12-09-2005 في 02:00 AM.

    

رد مع اقتباس