، قالت شايب وبدوي .
وقلت :
إي نعـم شايـب ومـهـوّل وبــدوي
موتري شاص والشوزن علـى المرتبـه
أضرب التختخ الخالـي وعزمـي قـوي
باخسٍ في الـدروب وعـارف ماشتبـه
إن حصل لي خوي وإن ماحصل لي خوي
عزبتـي دايـمٍ فـي الحـوظ ومرتبـه
للسباريـت وفجـوج الخـلا مهـتـوي
كل قفر مـن أزوال العـرب دسـت بـه
أشعـم النـار وأقـرّب لهـا المجـذوي
وإن دناني ظـلام الليـل وامسيـت بـه
دلّتي فـي طرفهـا والعشـاء يستـوي
والنسيـم العلـيـل يهبـنـي وأنتـبـه
للسمـاء والنجـوي وجـوي المعنـوي
في فضا الكـون يرقـا مرتبـه مرتبـه
ماعلي لو تقولين .. ابـدوي فوضـوي
يعشـق الـبـر والتـاريـخ مايكتـبـه
يطرح القرص وسط الجمر حـيٍ سـوي
ياكلـه بالتمـر والسمـن وأحترتـبـه
كيف يشرب حليب النوق عقب الشوي ؟
مثل مانشرب الببسـي ونقتـات بـه !
قاسي الطبع خشن وفي المقـام رهـوي
يجمع النـاس فـي بيتـه وفـي مكتبـه
أدري إنـش تبيـن مرفّـه ورخــوي
يسحب الثوب مـن طولـه بكـل عتبـه
يحْلق الدقن ويحـب الثقافـه أااااويـي
ياحليلـه ومحلـى ساعـةٍ جـات بــه
هاوي الفن والكوره ويضـوي ضـوي
كشخته كـل همـه لـو صـرف راتبـه
عيشتـه شوكلاتـه وأسكـريـم وذوي
كـل طعـمٍ لـذيـذ وعلبـتـه واتـبـه
الله يديـم ستـره يشـبـع ويـرتـوي
لايحدّه زمانـه شاتـك وشـااااات بـه