[معلومات العضو فراج بن فهد آل تركي]

السلام عليكم ورحمة الله وبركاته :

تعبير بسيط عن أحداث اليومين الماضية , ومحاولة جماعة الحوثي
اقتحام حدودنا الجنوبية في منطقة جبل دخان :
.
.
.

تسارعت الأحداث والرجل النزيه=ماودّه بخوض الفتن بين اقصراه
لكن ليا وصْلت مشاكلهم إليه=مادون حلقه كون يمناه اتحماه
واللي بدا يدرج رحى الحرب بيديه=نبتر عروق يديه ونهشّم رحاه
يالحوثي الزيدي وطنّا لاتجيه=إن كان ودّك بالسلامه والغناه
دونه نمورٍ تعشق الموت وتبيه=عشقٍ مثل عشقك وقومك للحياه
هذا وطن ( مكة وطيبة ) يالسفيه=أطهر وطن نرخص غلانا من غلاه
هذا الوطن مانستحقّ نعيش فيه=إن كاننا بالدمّ ماأروينا ثراه
من كثرة التخزين للقات الكريه=تشوف ( صعده) داخل ( أبها والسراه )
انزح وراك وطاوع الشور النبيه=أطماعك أبعد لك من النجم بسماه
وألا تحرّ لضرب بيضان الوجيه=حتى ( جبل دخان) يردمكم حصاه
لو تدعمك ( طهران) بريال وجنيه=ماتنفعك والموت من كل اتجاه

.
.
.

وقد وصلني مجاراة اليوم من الشاعر القدير سداح العتيبي يقول فيها :

حيّ القصيد العذب با اللي يحتويه=الله يمدّه عمر .. ويطوّل بقاه
ما ألوم هجس ٍ قام يدفعني عليه=يشدّني وأتوق له من محتواه
البيت الأول يجذبك للي يليه =واللي يليه يشوّقك للي وراه !
لا همت في نقد الذهب يا مهتويه=من ينقدك لا صرت هايم في هواه
والله لو أنّه ينشرا كان أشتريه=وأن قيل وش به .. قلت عالي مستواه
لا شك ممنوع المحرّج يقتفيه=والدوسري فرّاج حطّ إسمه علاه
لكنّ أبجاريه لو ماله شبيه=عساني أقضب سكّته واتبع خطاه
كم شاعر ٍ لا أوحيت له .. لا فضّ فيه=وكم شاعر ٍ قدّام يقصد .. فضّ فاه !
يا ابو فهد مدري وش اللي نحتريه=دبّ المرض والجرح يبحث عن دواه
صعده روافضها لها والي فقيه=يحوشها على المهالك حوش شاه
عميان والعميان ما فيهم وجيه=زمرة جهل والكلّ يزمر من عماه
مذهب مجوس ومن يخمّه يبتليه=مشبوه وجهه ما تعرفه من قفاه
هم نكبة الاسلام و اللي معتريه =تديّنوا والديّن منهم في براه
دخلّهم الشيطان بين أمه وأبيه=ثم تلّهم راس الطواغيت بيداه
والزيدي اللي يطبخه ثم يشتويه=فكّه علينا وأمتحنّا في وذاه
هيهات يا الحوثي وعلم ٍ تنتويه=رسمت لك خطّه تشدّ الإنتباه
حدّ الوطن دونه رجال ٍ تحتميه=واللي يعادي دارها تلعن ثواه

[/center]