[معلومات العضو خيالية]

الكلام احيان ما منه ثمره=خلّني ساكت وسوّ اللي تبي
ضيّق الخاطر كلامك وكسره=آه .. من كسر الخواطر وتعبي
واعد الجمّال فالبال عشره=كلهم ما حققوا لي مطلبي
والقصيد إن مر ليلي وسهره=احطب ضلوعي و اوّلع فحطبي
مختلف فكر وشعور وحنجره=أخطف الألباب واسبيها سبي
والعفو ( توبيخ ) عند المقدره=مير ماش عراش في راس الضبي
صاحبي يا صاحبي لو اخسره=مستحيل إن الخساره بسببي
الغبي منهو يصدق له مره=والمره ما تصدق الا مع غبي
علّمه لا يزعجك بالثرثره=عبهله كذاب ومحمد نبي
لا يحسبّها كذا بالمسطره=فرق بين الأعجمي واليعربي
كم قبر ٍ في قبور المقبره=يحفره شايب ويدفن به صبي
وكم رجل ٍ شاف شي ٍ يقهره=من ولد عمه على شان اجنبي
وكانها مابين ذنب ومغفره=لحيتي تكرم وكرّمت شنبي
الكلام احيان ما فيه ثمره=خلّني ساكت وسوّ اللي تبي

صـــح لساااان الشاااعر أبيااات قمه في الروعه نالت على استحسااان الجميع

تسلم وننتظر مالديك من روائــــع