ليت تاج الزين يعطيني الحل الاكيد = للخفوق اللي من اسباب صده ماسلم
اتوجد له وجود الغريب اللي بعيد = وذرف ادموعي ونكس على بعده علم
طول صبري وجد حالي على عنق الفريد = وبري حالي لا طرت لي مثل بري القلم
كنت اسلي خاطري فالبدايه بالقصيد = وليتني ماسقت رجلي على خط الدلم
كل ماراحت سنه وبتدا عام جديد = علموه آآنا اتحرى وجرحي ماسلم
لاعني بالصد لوع الهبايب للجريد = وغرته دنياه وغواه حلم به حلم
علموه ان الصداقه اتشبه بالحديد = وان جرح العام ينزف وبالخافق ألم
وعلموه ان المفارق ونيات الشديد = تجرح اقلوب المواليف وتزيد الالم
مابقى للعبد غير العباده والرصيد = وبشر الضالم بضلمه الى منه ضلم