السلام عليكم ورحمة الله وبركاته,,
هذه قصيدة للشاعر الكبير \ دهيمان بن عبيد الهوامله الدوسري
يقول فيها:
خـلـو عـلاجـي تعـالـج بـــه دلـيـل ***** جعلها تسلم من الحمى الـثـقــيـــلـة
مخالصــن قـلبي ولانـي بمـتـحـيـل ***** مهـرة محـشـومـة شقـراً وأصيلـة
بـنـت ربع الـلي على العيال عـيل ***** بـيـن أبـو برقا وزيزوم الـقـبـيـلـــة
نـادر يـسـتـاهـل الكـيـف المهــيل ***** وطـال شبره من سبق جيله وجيـله
ومن حصيله يغتني راع الحصيل ***** وسـيـف بن داجي على العليا كفـيله
يـا دلـيـل خـلـي الـقـدلـه تـمــيــل ***** مــيـلـةً بـالـعـز مافـــيـهـا فـشـيــلـه
والقـمــر بأول شهــر تـوه هـلـيـل ***** وأن كمل خمسة عشر من يستويـله
والخيال يـعـذب عـيـون الـمـخيل ***** وأن قصر ماناش نبته وش حصيله
جعـل ربي يطرحك مثل الغزيل ***** في يـد اللي كـان مالـه فـيــه حـيلـه
وأذكـريـنـي لاكـبـرتـي يا دليـل ***** صاحين مجنون والطرقه طــويـلــه
تحياتي ,,,
** الشرافي **