[معلومات العضو عبدالرحمن الشرافي]

السلام عليكم ورحمة الله وبركاته ,,,


هذه قصيدة أتمنى أنها تحوز على رضاكم.


يقول الشاعر :

الطيب فرصه والجمايـل توافيـق=ومن لاتوفق ماكتـب لـه جمالـه
ومن لارقى للطيب روس الشواهيق=مازان لـه وقتـه علـى مابدالـه
وما دام لفعول الجمايل عشاشيـق=كسب الجمايـل مايجـي بالسهالـه
ولو انها تشرب مـع فكّـة الريـق=كل خذاله كل مـا أصبـح بيالـه
والطيب منوه للقلـوب المشافيـق=كـل يتـوق ومنوتـه راس مالـه
والمدح مايزهى على الرجل ويليق=الا لاصـارت وافيـات خصـالـه
يستاهلـه رجـل يفـك المزانيـق=اللي يقـال ونعـم لاجـا مجالـه
ومن ساقته نفسه وهو مابعد سيـق=لأجـل الجميـل يزيّـن الله فالـه
والمرجله ماهـي بتحتـاج تنسيـق=من بين قلب اللـي عشقهـا وبالـه
ومن عادة الدنيا تخـون المواثيـق=تفتـرّ مكرتهـا سـواة المحـالـه
ولولا اللوازم ماعرفنـا المخاليـق=مانعـرف الرجّـال ليـن انعنالـه
والكفؤ تظهر فزعته حزة الضيـق=وينشاف في الشده بعيـن العدالـه
نسل الرجـال متّعبيـن الملاحيـق=متوسط مـن بيـن عمـه وخالـه
واللي يطيق ولا بغى قال ما أطيق=تحرم عليـه المرجلـه والشكالـه
والهيّنه تكبر على اللاش والهيـق=له في الرخاء قاله وفي الضيق قاله
والطيب شاره والضماير صناديـق=والـلاش طيبـه ماتعـدّى ظلالـه
وأنا أسبر قلوب الرجال المغاليـق=والصامت أقطع غايته مـن مقالـه
ومادام في الدنيا رجـال ومطاليـق=نصيتهـم والـلاش مالـي ومالـه

الشاعر/ابن حبشان





تحياتي,,,




** الشرافي **